அலெக்சாவில் அசத்தும் தமிழ் பதிவர்கள் 2011 - Top Tamil blogs and bloggers

வலைப்பூக்களில் எழுதுபவர்களின் எண்ணிக்கை அதிகரித்து கொண்டே உள்ளது. மொழி பாகு பாடு இன்றி அவரவர்க்கு தெரிந்த மொழிகளில் வலைப்பூக்களில் எழுத்துகின்றனர். ஆனால் ஆங்கில வலைத்தளங்களுக்கு ஏராளாமான திரட்டிகளும், தேடியந்திரங்களும், சமூக தளங்களும் கை கொடுக்கும் நிலையில் வெறும் சில திரட்டிகளின் உதவியுடன் அலேக்சாவில் சாதிக்கும் தமிழ் பதிவர்களை பற்றி இங்கு காண்போம். பல ஆங்கில தளங்களையும் முந்தி கொண்டு நாங்களும் உங்களுக்கு இளைத்தவர்கள் இல்லை என சவால் விடும் வகையில் அலெக்சா ரேங்கில் 1 லட்சத்திற்கும் குறைவாக உள்ள பதிவர்களை அனைவரும் வாழ்த்துவோம்.

6. வேடந்தாங்கல்

வலைப்பூவின் ஆசிரியர் கரூண். பதிவுலகில் என் நெருங்கிய நண்பர்களில் இவரும் ஒருவர். ஒரு வருடமாக தான் பதிவுகள் எழுதி வருகிறார். சூடான அரசியல் செய்திகளை அள்ளி விடுவதில் வல்லவர். இவருடைய கவிதைகள் எனக்கு மிகவும் பிடிக்கும். நான்கே வரிகளில் கவிதை எழுதி அசத்துவார். பதிவுலகில் பல பிரச்சினைகள் வந்தாலும் அதையெல்லாம் த்தூ.. என்று உதறி தள்ளிட்டு அடுத்த பதிவு எழுத ஆரம்பித்து விடுவார். நான் முதன் முதலில் நேரில் சந்தித்த பதிவரும் இவரே.
தற்போதைய அலெக்சா மதிப்பு - #98,092

5. நாற்று

சமீப காலமாக நான் விரும்பி படிக்கும் தளங்களில் இதுவும் ஒன்று. வலைப்பூவின் ஆசிரியர் இலங்கை நண்பர் நிரூபன். பல தரப்பட்ட பதிவுகளை வலைப்பூவில் பகிர்ந்து வருகிறார். புதிய பதிவர்களுக்கு ஏற்ப்படும் தொழில்நுட்ப சந்தேகங்களை மனம் கோணாமல் சொல்லி தரும் அன்பு நண்பர். தமிழ்மண மகுடத்தை தொடர்ந்து பல நாட்களாக வாங்கி வந்தவர். மற்றும் ஒவ்வொரு பதிவின் இறுதியிலும் மற்ற புதிய பதிவர்களை அறிமுக செய்து வைக்கிறார்.
தற்போதைய அலெக்சா மதிப்பு - # 86,008

4. ஜாக்கி சேகர்

அண்ணனை பற்றி என்ன சொல்றது நச்சுன்னு சொல்லனும்னா பதிவுலகின் சூப்பர் ஸ்டார் என்று சொல்லலாம். உள்ளூர் சினிமா முதல் வெளிநாட்டு சினிமா வரை எல்லாமே இவருக்கு அத்துப்படி. சாதாரண பேச்சு வழக்கில் எழுதுவது இவரின் ஸ்டைல். அதுவே பல வாசகர்களை இவரின் தளத்தில் கட்டி போட்டு உள்ளது. சினிமா பதிவர்கள் மட்டுமின்றி பல விழிப்புணர்வு பதிவுகளும் எழுதி உள்ளார். இவர் சிறந்த போட்டோகிராபர்(யாருக்கேனும் தேவை என்றால் இவரை அணுகவும்). தனிப்பட்ட முறையில் எனக்கு ஏதாவது பிரச்சினை என்றால் முதல் தொடர்பு கொள்ளும் நபர் இவர் தான்.
இவருடைய தற்போதைய அலெக்சா ரேங்க்# 77,003

3. அட்ரா சக்க

நம்ம மாப்ளைய தெரியாம யாராவது இருக்க முடியுமா என்ன. பதிவுலகத்தில் ஒரு புது ட்ரெண்ட் உருவாக்கியவர். பிளாக் ஆரம்பித்து குறைந்த நாட்களிலேயே தனது கடின உழைப்பால் இந்த இலக்கை அடைந்தவர். இவரை பற்றி பல விமர்சனங்களும், கிண்டல்களும் வந்தாலும் அனைத்திற்கும் ஹீ ஹீ ன்னு கூலா ஒரு கமென்ட் போட்டுட்டு போய்கிட்டே இருப்பார். இவர் கிட்ட எனக்கு புடிச்சது இந்த மனப்பக்குவம் தான்.(இவரையே டெண்சனாக்கிய புரட்சிக்காரன என்ன சொல்றது). தமிழ்மணத்தில் நம்பர் 1 மகுடம் பெரும்பாலும் இவருக்கே.

இவருடைய தற்போதைய அலெக்சா ரேங்க்# 61,953

2. கேபிள் சங்கர்

இவரை பற்றி நான் அதிகம் சொல்ல வேண்டியதில்லை. பதிவுலகின் ஹீரோ இவர் தான். பதிவுலகில் இவரை தெரியாதவர்கள் யாரும் இருக்க முடியாது. தன்னுடைய சினிமா விமர்சனம் மூலம் மிகப்பெரிய வாசகர் படலத்தையே பதிவுலகில் வைத்து உள்ளார். பல புத்தகங்களையும் எழுதி உள்ளார். இன்னொரு பாராட்டக்குரிய விஷயம் புதியதாக ஆரம்பிக்கப்பட்டு வெற்றி பாதையில் வலம் வந்து கொண்டிருக்கும் உடான்ஸ் திரட்டி இவருடையது தான்.

இவரின் அலெக்சா ரேங்க் #59,848

1. சவுக்கு

இந்தியாவின் அல்லது தமிழகத்தின் விக்கி லீக்ஸ் என அழைக்கப்படும் தளம். அதிகாரவர்க்கத்தின் அநியாயங்களையும், ஊழல்களையும் தனது சவுக்கின் மூலம் தோலுரித்து காட்டுகிறார். இவருடைய தனி சிறப்பே எந்த பதிவு எழுதினாலும் அதற்க்கான ஆதாரங்களையும் சேர்த்து வெளியிடுவது தான். இந்த தளத்தின் ஆசிரியர் சங்கர் இது போன்று பதிவுகள் போடுவதால் கடந்த தி.மு.க. ஆட்சியில் போலிசால் கைது செய்யப்பட்டார். ஆனாலும் தனது சவுக்கு வீசுவதை நிறுத்த வில்லை இவர். தப்பு செய்பவர்களின் பக்கம் இந்த சவுக்கு தொடர்ந்து வீசிக்கொண்டே இருக்கும்.

இவருடைய தற்போதைய அலெக்சா ரேங்க் # 41,474

டிஸ்கி: இந்த பட்டியலில் 1 லட்சத்திற்கும் குறைவாக அலெக்சா மதிப்பை பெற்றவர்களின் வலைப்பூக்கள் ஏதேனும் விட்டிருந்தால் கருத்துரையில் தெரிவிக்கவும். அப்டேட் செய்து கொள்கிறேன்.

Tech Shortly